Ishq ka mafhoom article by Sania Syed

Ishq ka mafhoom article by Sania Syed

عشق کا مفہوم

ہمارے معاشرے کے بے خبر اور گمراہ لوگوں نے عشق کو اک غلط مفہوم دے دیا ہے اور آج کا آرٹیکل میرا معاشرے کے اسی غلط مفہوم پر ہے۔.                                                                                                                                           

 

کہتے ہے کہ جہاں اپنی ذات کا ہوش رہے اسے محبت کہتے ہےلیکن جہاں اپنی ذات دھندلاجائے اسے عشق کہتے ہے جہاں انسان اک تمنا کی حسرت میں (انا اللہ وانا الیہ راجعون) ہوجائے اسے عشق کہتے ہے، عشق مکمل باب ہے اگر عشق کا محبوب اللہ تعالی ہو اور نامکمل قصہ ہے اگر انسان عشق ہو۔ عشق یا تو اللہ سے ہوتا ہے یا انسان کے لیۓ اللہ سے ہوتا ہے اس لحاظ سے عشق مکمل قصہ ہے لیکن ہوتا ہوگا پرانے دور کے مکینوں کو عشق۔ آج کا انسان کیا ہوگا، اسکی محبت کیا ہوگی، اسکا عشق کیا ہوگا۔ ہوس کے بھوکے عشق کی گلی کے منافق ہوتے ہے۔ عشق میں انسان کو محبوب کی رضا، محبوب کی دغا سے زیادہ عزیز ہوتی ہے۔ اور عشق کا تقاضہ تو یہی ہوتا ہے جہاں محبوب ہمارا ہو ہمیں سنتا ہو۔ وہ محبوب ہی کیا جو ہمارا نہ ہو وہ تو پھر حسرت ہے محبوب کی حسرت۔ عشق میں محبوب صرف خدا ہوتا ہے انسان تو عشق ہوتا ہے اور عشق کے لیۓ محبوب ضرورت،امید اور عشق کی گواہی ہوتا ہے۔ لیکن آج کے مکینوں کو محبت ہوسکتی ہے مگر عشق نہیں، حسرت رہ سکتی ہے مگر عشق نہیں۔ عشق کا اصول ہے عشق میں محبوب خدا، عشق میں عشق انسان جبکہ عشق میں عاشق ہم ہوتے ہے۔ عشق میں عشق کو پانے کے لیۓ محبوب کے حکم کی تکمیل کرنی ہوتی ہے عشق اک ڈھونگ ہے جس میں محبوب مل جاتا ہے مگر عاشق کی گلی ہر کسی کو زھے نصیب نہیں ہوتی راہ تکتے تکتے محبوب مل جاتا ہے مگر ہر کسی کو عشق نہیں ملتا۔ لیکن دونوں صورتوں میں دوجہانوں کا خدا مل جاتا ہے۔ راتیں قضا ہوتی ہے وجہ اوّل دنوں میں عشق ہوتا ہے لیکن پھر خدا ہی عشق ہوتاہے۔عشق میں انسان کو اپنا کچھ خیال نہیں رہتا بلکہ وہ محبوب کی خوشی، خواہش اور محبوب کی پاسداری میں اپنی ذات بھول جاتا ہے تاکہ محبوب کسی عمل کے بدلے اسکا عشق مکمل کردے۔ کتنا خودغرض ہوتا ہے انسان اپنے عشق میں محبوب کی پیروی اک لالچ کی طرح کرتا ہے لیکن جو سکون وہ اس میں حاصل کرتا ہے وہ اسے کبھی خدا سے دور جانے نہیں دیتا۔ عشق نورمہتاب ہے

جسطرح سورج طلوع ہوتا ہے اور ہر چیز کو اپنی روشنی کے خول میں لپیٹتا ہے اسی طرح عاشق خدا کی رضا میں اتنا فنا ہوتا ہے کہ محبوب اسکی دنیاوآخرت کواپنے نور کی چادر اوڑھا دیتا ہے ۔ جس طرح جگنو رات کے تاریک اندھیرے میں بھی نظر آتا ہے اسی طرح لاکھوں کی بھیڑ میں بھی عاشق کی پہچان ہوتی ہے۔ خدا عاشق کے ردعمل کی برابر جزا دیتا ہے کیونکہ محبوب اپنی گلی کے عاشق کو خالی ہاتھ نہیں لوٹاتا۔                                                                                                         ۔

 

اصل عشق کا محبوب تو اللہ کی ذات ہے جس میں فنا ہونا سکون دیتا ہے، جس میں انسان دنیا سے کٹ تو جاتا ہے مگر دنیاوآخرت پالیتا ہے۔ انسانوں کو محبوب کہنا عشق کی بے حرمتی ہے عشق بھلے انسانوں سے ہوتا ہو محبوب خدا ہوتا ہے عشق میں انسان عشق کے لیۓ خدا کے حضور جھکتا ہے تو صرف عشق کے لیۓ محبوب کی رضا پانے کی خاطر۔عشق میں انسان عشق کے لیۓ محبوب کا کلمہ پڑتا ہے اور پھر اک وقت آتا ہے محبوب اور عشق دونوں خدا کی ذات بن جاتے ہے۔                             ۔

 

یعنی ہم انسان کو پانے کی چاہ میں خدا کو محبوب بناتے ہے اور ہم خدا کی عبادت میں اتنا سکون پاتے ہے کہ ہمارا عشق بھی خدا کی ذات بن جاتی ہے۔                                                                                                                                      ۔

 

از سنیہ سید               

٭٭٭٭٭٭٭٭٭٭٭٭٭٭٭٭