Meri dua mera intezar article by Neha Ali

Meri dua mera intezar article by Neha Ali

میری دعا، میرا انتظار

بقلم :نیہا علی

 

ہر صبح آنکھ کھلتے ہی دل میں بس ایک ہی خیال جاگتا ہے

شاید آج میری دعا پر کن فیکون ہو جائے

مگر جب شام اپنے سائے لمبے کرتی ہے

اور سورج آہستہ آہستہ ڈھلنے لگتا ہے،

تو پورے دن کا انتظار

میرے وجود پر جیسے تھکن بن کر اتر آتا ہے۔

 

کبھی سوچتی ہوں، میں بھی کتنی عجیب ہوں ناں

ہر روز وہی دعا، وہی امید،

اور قبولیت کے اسی سفر کا

نہ ختم ہونے والا انتظار۔

 

ڈرتی ہوں کہیں ایک دن

یہی انتظار مجھے خاموش مٹی میں نہ سلا دے

جہاں نہ کوئی صبح ہوگی

نہ ڈھلتے سورج کا دکھ

اور نہ پھر کسی دعا کے قبول ہونے کا انتظار۔

٭٭٭٭٭٭٭٭٭٭٭٭