Qismat ke sitam by Amaima Waheed

 

" قسمت کے ستم "

" تم کس طرح اپنے نفس کو قابو میں رکھو گی جو بے قابو ہو گیا  ہے۔۔۔۔

            " میں خدا سے وہ سبق مانگوں گی جو قسمت سکھاتی ہے"

"تو اگر قسمت نے دام بڑھا دیے۔۔۔۔۔۔ تو کیا تم ادا کر سکو گی۔۔۔۔"

"مطلب"

" مطلب جب قسمت کچھ سکھاتی    ہے تو دام لگاتی ہے۔ سب سے عزیز چیز کا۔۔۔۔۔ سب سے بڑی کمزوری کا ۔۔۔۔۔۔۔۔۔۔۔جانتی ہو تمہاری سب سے عزیز شے کیا ہے؟

تمہاری "عزت" ۔۔۔۔اور تمہاری کمزور ترین کمزوری ہے۔۔۔۔۔" ذلت کا خوف"۔۔۔۔اگر قسمت ان کے بدلے ہدایت دے تو کیا تم اس کے لئے تیار ہو ۔۔۔"

 

         خاموشی۔۔۔۔۔۔۔•

                   مکمل خاموشی ۔۔۔۔۔۔•

                            گویا سانس بھی تھم سا گیا ۔۔۔۔•

 

دل کی دھڑکن اس خوف سے چور بن کر بیٹھ گئ ۔۔ایسا نہ ہو کہ الفاظ دھڑکنوں  کے ساتھ مل کر شور پیدا کریں۔۔۔۔۔•

" کچھ بولو خاموش کیوں ہوں۔۔۔۔۔    اگر خاموش رہنے سے کچھ ہو سکتا ۔۔۔۔۔ تو خدا کبھی بھی کسی کو زبان اور قلم نہ دیتا۔۔۔۔۔بولو۔۔۔۔۔کیا کرو گی اگر قسمت نے دام بڑھا دیے تو ۔۔۔۔۔۔کیا ادا کر سکو گی۔۔۔۔۔•"

" میں نہیں جانتی میں کیا کروں گی مگر خوف ہے کہ زمانہ کیا کرے گا ۔۔۔"

گویا خاموشی ٹوٹی اس کائنات میں موجود ہر فانی شے کی طرح ۔۔۔۔

      "تم زمانے کو چھوڑو صرف اپنی بات کرو۔۔۔۔۔"

 

" لیکن یہ کیسے ہو سکتا ہے۔۔۔۔۔۔"

 

"تو پھر ایسا بھی کبھی نہیں ہوا کہ قسمت کچھ مانگے اور سے نہ ملے کیونکہ قسمت مانگتی نہیں چھینتی ہے۔۔۔۔میری خواہش کہ قسمت تم سے کچھ نہ چھینے بلکہ تم اس کہ ہر رخ کہ لیے تیار رہو۔۔۔۔"

                   خاموشی ۔۔۔   

خاموشی پھر سے آ گئی ۔۔۔۔ مگر جانے کہ لیے۔۔۔۔۔

        "میں کیوں نہ زمانے کی پرواہ کروں ۔۔۔۔ "

بے بس آواز خلق سے نکلی اور چھاۓ ہو سکوت کو توڑتی شور پیدا کر گئی۔۔۔۔

" اگر اتنی پرواہ ہے تو سنو زمانہ خود بھی قید ہے ۔۔۔۔وہ بھی مقدر کے سامنے بے بس ہے۔۔۔۔۔"

"لیکن میں۔۔۔۔ میں ۔۔۔۔کیسے قسمت کو اجازت دے دوں کہ وہ مرضی کا دام لگاۓ ۔۔۔۔۔میری کمزوریوں سے کھیلے۔۔۔۔اور جاتے  ہوۓ میری جھولی میں نہ نظر آنے والی ہدایت رکھ دے۔۔۔۔ میں ایسا نہیں۔۔۔۔۔۔۔"

ابھی بات اس کہ منہ میں تھی  کہ سانسوں کا تسلسل ٹوٹنے کی آواز آنے لگی۔۔۔۔۔۔

" میرے خطیب کیا تمہارا دم ٹوٹ رہا ہے ۔۔۔ ۔۔۔تو کیا قسمت تمہاری سانسوں کے ساتھ کھیل رہی ہے۔۔۔۔" خوف کہ سبب گھٹی ہوئی آواز نکلی ۔۔۔۔

تو کیا جب قسمت کسی کہ ساتھ کھیلتی ہے۔   تو تماشائیوں کی آوازیں چھیننے کی بھی صلاحیت رکھتی ہے۔۔۔۔۔۔۔۔

" میرے حطیب تم نظر کیوں نہیں آتے۔۔۔۔۔۔۔"

" میں اس ہدایت کی مانند ہو جو قسمت جاتے جھولی میں رکھتی ہے جو نظر نہیں آتیں۔۔۔۔۔ جو معرفت و حکمت ہوتی ہے"

کوئی اکھڑی ہوئی سانسوں سے بولا۔۔۔۔۔۔

" میرےخطیب تم کون ہو ۔۔۔۔۔اچھی باتیں کرتے ہو۔۔۔۔۔میں تمیں بچاوں گی ۔۔۔۔۔میں تمہیں مرنے نہیں دوں گی۔۔۔۔۔۔"

" میں تمہارا ضمیر ہوں ۔۔۔۔۔  جب میں مرتا تو کیا تمہارے علم میں ہے کہ کیا ہوتا ہے"

"نہیں میرا علم محدود ہے۔۔۔۔۔میری عقل ناقص ہے۔۔۔۔۔تم مجھے بتاو"

"تو پھر سنو۔۔۔۔۔۔۔جب میں مرتا ہوں تو شداد اور نمرود پیدا ہوتے ہیں ۔۔۔۔۔اور خدائی کے دعوے کرتے ہیں۔۔۔۔۔پھر فرعون آتا ہے اور ظلم کے پہاڑ توڑتا ہے۔۔۔۔۔ پھر بنی اسرائیل کفران نعمت کرتے ہیں ۔۔۔۔۔۔۔پھر خدا سے معافی مانگنے کی بجاۓ وہ گندم مانگتے ہیں۔۔۔۔۔۔۔۔۔میری موت کے بعد ہی عورت طوائف اور مرد زانی کہلاتا ہے۔۔۔۔۔"

خاموشی اب بھی چھا گئی ۔۔۔۔۔۔۔۔دل پھر سے تھم گیا۔۔۔۔۔۔شور ایک دفعہ پھر سے فنا ہوا۔۔۔۔۔ مگرلوٹ کر آنے کے لیے۔۔۔۔۔

" اور اگر تم نہ مرے تو کیا ہو گا۔۔۔۔۔"

ایک معصوم سا سوال تھا مگر جواب مل ہی گیا۔۔۔۔۔

" جب میں نہیں مرتا تو۔۔۔۔۔پھر ظالم حجاج بن یوسف بھی ایٹمی پاور نہ ہونے کہ باوجود ناہید کی فریاد پر محمد بن قاسم کو روانہ کرتا ہے۔۔۔۔۔تو پھر سلطان ٹیپو گیدڑ کی سو سالا زندگی کی بجاۓ شیر کی ایک دن کی زندگی کو ترجیح دیتا ہے۔۔۔۔۔۔پھر دریاے نیل عصاۓ موسیٰ پر لبیک کہتا ہے۔۔۔۔۔اور پتھر بھی خوف خدا سے ٹوٹتے ہیں اور ان سے چشمے نکلتے ہیں۔۔۔۔۔"

" نہیں میں تمہیں مرنے نہیں دوں گی۔۔۔۔۔میں پتھر سے سخت نہیں بن سکتی ۔۔۔۔۔۔۔میں اس پانی کو کبھی نھی آگے نہیں جانے دوں جس نے اپنے نبی کی آواز پر لبیک کہا۔۔۔۔۔میں اس سے پہلے اپنےنبیﷺ  کے حکم پر لبیک کہوں گی ۔۔۔۔۔میں اللہ اور اس کے رسولُﷺ کی اطاعت کروں گی۔۔۔۔۔۔۔"

"تو پھر قسمت کہ ہر رخ پر آمناوصدقنا کہو ۔۔۔۔اور خدا سے مانگو جو کچھ مانگنا ہے۔۔۔۔۔۔قسمت اچھا کھیل لیتی ہے تم بھی ساتھ میں کھیلو۔۔۔قسمت ہر چہرہ بے نقاب کرتی تم ہر نقاب اٹھتا ہوا دیکھو۔۔۔۔۔اور آئینہ دونوں طرف سے دیکھنا۔۔۔۔۔۔ "

خاموشی ایک دفعہ سے پھر چھا گئی۔۔۔۔۔۔

*****