Mohaabt by Sumaira Siddique

محبت ایک قوت ہے۔۔۔ایک طاقت ہے۔۔۔اعتماد اس کا حسن ہے۔۔۔تو ایثار اور قربانی اس کی روح ہے۔۔۔یہی محبت اگر مجازی ہو۔۔۔تو منزل کھو جانے کے اندیشے منڈلانے لگتے ہیں۔۔۔اور اگر حقیقی ہو تو منزل قدم بوسی کے لیے بے تاب و بے قرار دکھائی دیتی ہے۔۔۔

کائنات میں بکھرے محبت سے گندھے بے شمار رشتوں میں سے ایک  پیارا رشتہ اولاد کا بھی ہے۔۔۔قرآن کی پکار ہے۔۔۔ المال والبنون زینة الحیاۃ الدنیا

مال اور بیٹے دنیا کی زندگی کی زیبائش ہیں۔۔۔

لیکن بسا اوقات انسان محبت کے ان رشتوں کی عالی شان حویلیوں میں خود کو مقید کر لیتا ہے۔۔۔وہ بھول جاتا ہے۔۔۔کہ یہ شاندار حویلیاں تو بس ایک سرائے سے بڑھ کر کچھ بھی نہیں ہیں۔۔۔انسان تو ایک مسافر ہے۔۔۔ایک ایسا مسافر۔۔۔جس کی منزل۔۔۔اللہ رب العالمین کی محبت کا حصول ہے۔۔۔محبتوں،نفرتوں اور عداوتوں کی آندھیاں اور طوفان اس کے راستے میں حائل ہوتے ہیں۔۔۔منزل حقیقی سے ہٹانے کی کوشش کرتے ہیں۔۔۔لیکن مسافر کو۔۔۔ان سے لڑتے۔۔۔مقابلہ کرتے۔۔۔جانب منزل قدم بقدم بڑھتے رہنا چاہیے۔۔۔

         ✍🏻سمیرا صدیق