Paisa by Tasmia Waheed

"پیسہ"

تسمیہ وحید(سیالکوٹ)

   سردی میں میرج ہال کے برتن دھونے کے بعد وہ "کہنے لگا صاحب میری ماں کی طعبیت ٹھیک نہیں مجھے کچھ پیسے دے دیں"۔"مُنہ بند کر" ! ابھی دو دن پہلے ہی تو تجھے پیسے دیئے"۔وہ زارو قطار رونے لگا۔اور سوالوں کی قطاریں میرے دماغ میں کھڑی ہوگئیں۔

"خدا اسکو تخلیق مت کرنا!" کیوں؟ یہ تیری زمین پر فساد پھیلائے گا؟تخلیقِ آدم کے اس مکالمے کے یک طرفہ پہلو پر غوروفکر کریں توحقیقت کی پیشن گوئی سامنے آتی ہے۔کہ موجودہ دور کی پیشن گوئی تو مُقرب فرشتوں نے اپنے اِن جملوں میں تخلیقِ آدم سے پہلے ہی دے دی تھی۔کہ یہ فساد پھیلائے گا، انتشار پھیلائے گا۔پر کیسا فساد اور موجودہ دور میں فساد کی بڑی وجہ کیا ہے؟کونسی چیز ہے جس نے ملک میں قبرستانوں کی تعداد کو بڑھا دیا؟کس نے ماں کے لختِ جگر کو جُرم کی کلائیوں سے جکڑ دیا؟میتوں کی قطاروں کو سجا دیا؟ تو موجودہ دور اور حقیقت کے پردے بتاتے ہیں۔کہ وہ  "میٹریلیزم"یا "پیسہ"ہے۔ایک غریب کی زبان پر خدا کے نام سے زیادہ "پیسہ"ورد کررہاہے۔ایک امیر کی عیش پرست زندگی کی ہوس "پیسہ"ہے۔نوجوان نسل کی زندگی کا ایک بڑا مقصد "پیسہ"ہے۔ایک لڑکی کو شادی کے لئے بھی "پیسے اُگانے والا(لڑکا)کیمیکل، ایک لڑکے کو جہیز کی صورت میں بھی"پیسہ"چاہیے۔گویا کہ دورِ حاضر میں باطنی و قلبی اچھائیاں بھی خاموشی کی جیل میں بند ہوچُکی ہیں۔دورِ حاضر میں پیسہ ایمان کا امتحان بھی بن چُکاہے، اور ایک ایسا بُت بھی بن چکاہے۔جسکی پرستش میں مسلم و غیر مسلم خوب ملوث ہیں۔

جو چِٹھی خدا نے اولادِ آدم کے لئے لکھی تھی صاف کہہ دیا تھا۔کہ فتنہ ہے؟ لیکن کیا فتنہ ہے؟

وَ اعْلَمُوْۤا اَنَّمَاۤ اَمْوَالُكُمْ وَ اَوْلَادُكُمْ فِتْنَةٌۙ۔ٌ۠(۲۸)(سورہ انفال)

"اور جان لوکہ تمہارے مال اور تمہاری اولادایک فتنہ ہے۔

"اے آدم دیکھ لینا روئےزمین پر تیرا امتحان "مال"ہے"۔مال صرف پیسہ نہیں بلکہ بہت سی اور چیزیں بھی ہیں۔ملکِ پاکستان کے زوال کی ایک بڑی وجہ "پیسے کی ہوس"ہے۔موجودہ لوگوں کے اعمال اِبلیسانہ ہیں۔لیکن شان و شوکت فرعون والی چاہیے۔"پیسہ"بذاتِ خود کوئی بُری چیز نہیں۔ لیکن اسکی محبت کے سمندر میں غوطہ زن ہونا بُرا ہے۔پیسہ کسی کو "سخاوتِ عثمان" کے نام سے مشہور کرتا ہے۔اور کسی کو دھنستی زمین کی عِبرت(قارون) بنادیتا ہے۔