New year night by Aqsa Saeed

نیو ائیر نائٹ

نیو ائیر نائٹ کوئی تعفہ نہیں ایک گند ہے جس کا ادراک ہماری نوجوان نسل کو بالکل نہیں ہے  کیا ایک ہندسے کی تبدیلی اس قدر خوشی کا باعث ہے ہیکہ ہماری نوجوان نسل آدھی رات کو جاگ کر گھروں سے باہر نکل کر اس ہلڑ بازی میں شریک ہو جسکا ہمارے دین میں کہیں نہیں لکھا ہوا کیا ہم نہیں جانتے کہ یہ صریحاً غلط فعل ہے کیا کوئی یہ بتائے گا کہ ایسا کس آسمانی کتاب میں لکھا ہوا ہیکہ اس طرح کی سرگرمیاں جائز ہیں کس کتاب سے یہ بات ثابت ہوتی ہے کہ نیو ائیر نائٹ منانا بہت ہی کوئی اعلیٰ کام ہے ۔کیا کبھی اسلامی سال کی تبدیلی پہ ہم نے اس کا اہتمام کیا ؟ کوئی نفل ،نماز،روزے ادا کیے اس پاک ذات کا شکر ادا کرنے کے لیے کہ اس نے ہمیں ایک اور سال عنایت کیا جس میں ہم اس کی رحمتیں اور برکتیں سمیٹ سکیں ۔۔۔۔ یقیناً نہیں کیا کیوں کہ ہم انگریزوں کی پیروی میں اپنے آپ کو گم کر چکے ہیں اور پھر یہ تو حقیقت ہی کہ گناہ میں جو لذت ہے وہ کسی اور چیز میں نہیں لیکن یہ لذت وقتی ہے بلکہ یہ کہنا بہتر ہوگا کہ ہر چیز وقتی ہے کچھ بھی اس فانی دنیا میں مستقل نہیں ہے نیو ائیر نائٹ منانا انگریزوں اور کافروں کا فعل ہے نا کہ مسلمان کا۔۔

حضرت ابنِ عمر رضہ اللہ تعالیٰ سے روایت ہے حضور صلی اللہ علیہ وسلم نے فرمایا:

"جس نے کسی قوم کی مشابہت اختیار کی وہ انہی میں سے ہے"

قرآن کریم میں ارشاد ہے:

(رحمٰن کے بندے وہ ہیں) جو جھوٹ اور باطل کاموں میں شریک نہیں ہوتے،اور جب بے ہودہ کاموں کے پاس سے گزرتے ہیں تو (دامن بچاتے ہوئے)نہایت وقار اور متانت کے ساتھ گزر جاتے ہیں ۔(الفرقان :72)

ایک جگہ اور ارشاد ہوا:

مسلمانوں!میرے اور اپنے دشمنوں کو دوست نہ بناؤ۔(سورت الممتحنہ)

جب قرآن کریم میں واضح الفاظ میں منع فرمادیا گیا تو اور کسی چیز کی وضاحت باقی نہیں رہ جاتی مسلمان ہونے کے ناطے ہمیں چاہیے کہ قرآن کریم کی پیروی کریں اللہ اور اس کے رسول کی پیروی کریں ناکہ کافروں کی اندھی تقلید کرتے ہوئے اپنے نامہ اعمال کو سیاہ کریں

اس تحریر کا مقصد صرف یہ ہے کہ ہم مسلمان ہیں تو ہمیں مسلمان ہونے پر اور نبی کریم صلی اللہ علیہ وسلم کے امتی ہونے پر فخر محسوس کرنا چاہیے نا کہ کافروں کی اندھی تقلید کرتے ہوئے فخر کریں جو کہ اللہ کی نظر میں نہایت ہی برا فعل ہے۔۔

از قلم: اقصیٰ سعید